Suliffeqarfik

NORSKER & CO ADVOKATER tassaapput advokatit tamakkiisumik sullissisut, pingaarnerusumik ingerlataralugu ingerlatsiviit susassaqarfinni assigiinngitsuni siunnersussallugit. Tamatuma saniatigut fond-it, inuinnaat pisortallu allaffeqarfii sullitaraagut.

NORSKER & CO ADVOKATER-ni sullissinitsinni sullitagut qitiutillugit ingerlatsisarpugut. Imalu paasisariaqarpoq, ulluinnarni ingerlatsinermi sullitagut ataasiakkaat piginneqataasumut ataatsimut inissinneqartarput, taassumalu sullitap suliassaatai tamaasa ingerlanneqarnerinut akisussaasarpoq. Piginneqataasup suliassap ingerlannerani sulisut allat immikkut pikkoriffillit suliassanut assigiinngitsunut suliassap ingerlanneqarneranut ilanngussinnaavai, sullitap unammillernatuutaasa pitsaasumik naammassineqarnissai anguniarlugu. Sulisutta ilai immikkut pikkoriffeqarput, kisianni pingaartipparput suliffimmi advokatit tamarmik tamatigoortumik pitsaasumillu inatsisitigut paasisimasaqarnissaat.

Ingerlatatsinnut pingaaruteqarluinnarpoq, NORSKER & CO ADVOKATER ingerlatseqatigiiffittut inissisimanissaa, taamaasiornikkummi suliassat piginneqataasunut ataasiakkaanut agguataarneqarsinnaanerat pisinnaaniassammat. Taamaasiornitsigut qulakkiissavarput sullitatta suliakkiissutaat, advokatimit suliassaqarfimmut suliassap inissisimaviani piukkunnarnerpaamit suliarineqarnissaa.

NORSKER & CO ADVOKATER oqaluttuarisaanerat 1901-mi aallartippoq. Ingerlatsiviup inatsisitigut ilinniarsimassutsimut pingaartitsinerat takuneqarsinnaavoq sulisussanik nutaanik pissarsiniartarneratigut. Pitsaanerpaarusuppugut – pitsaanerpaassagaanni imaanngilaq anginerpaassalluni.